თბილისი (GBC) – ორშაბათის ვაჭრობის შედეგად აშშ დოლარი გამყარდა და 2.7877 ლარი შეადგინა. კურსი, რომელიც დღეს მოქმედებდა, 2.7089 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში -7.88 თეთრი შეადგინა.

გამყარდა ევრო, რომლის კურსი 2.8426 ლარია. მაშინ როცა დღეს მოქმედი კურსი 2.7880 ლარს

შეადგენდა. შესაბამისად, ევროს ცვლილებამ 5.46 თეთრი შეადგინა.

გამყარდა თურქული ლირა, რომელიც 0.1552 ლარს შეადგენს, ასევე გამყარდა გირვანქა სტერლინგი და 3.3636 ლარი ეღირება.

Bloomberg-ის პლატფორმაზე ორშაბათის ვაჭრობაზე ლარი საკმაოდ მაღალი რყევებით გამოირჩეოდა. ეროვნულმა ვალუტამ გამყარება ვაჭრობის გახსნიდან დაიწყო, როდესაც კურსი 2,8125–დან 2,7525–მდე გამყარდა. შემდეგ კი მკვეთრი გაუფასურება დაიწყობა და $1–ის ფასმა 2,82 ლარს მიაღწია. სავაჭრო დღის მიწურულს ლარი კვლავ გამყარების დიაპაზონში გადავიდა და თბილისის დროით 16:00 საათისთვის 2,8075–იან ნიშნულზე დაფიქსირდა.