თბილისი (GBC) - 2021 წელს საქართველოში მომსახურების ექსპორტმა $2.5  შეადგინა, რაც 2020 წელთან შედარებით 61.2%-ით მეტია, ხოლო იმპორტი - $1.8 მლრდ და შესაბამისად 25.2 %-ით  აღემატება წინა წლის შესაბამის მაჩვენებელს. 2021 წელს დადებითმა სავაჭრო ბალანსმა $724 მლნ. შეადგინა, რაც თითქმის 6-ჯერ მეტია 2020 წლის სავაჭრო ბალანსზე. მომსახურებით საერთაშორისო ვაჭრობის მაჩვენებლებს ასახავს ქვემოთ მოცემული გრაფიკული გამოსახულება.

 2021 წელს მომსახურების ექსპორტში პირველი ადგილი მოგზაურობამ დაიკავა $1.2მლრდ რაც მომსახურების მთლიანი ექსპორტის 48.9%-ს შეადგენს. მეორე ადგილს იკავებს სატრანსპორტო მომსახურება $822.6 მლნ. (მთლიანი ექსპორტის 32.3%), ხოლო მესამე ადგილზეა სატელეკომუნიკაციო, კომპიუტერული და საინფორმაციო მომსახურება $215.9 მლნ. (შესაბამისად 8.5%).

2021 წლის მომსახურების იმპორტში უმსხვილესი მომსახურება წარმოდგენილია სატრანსპორტო მომსახურების სახით, რომლის იმპორტმა $1.1 მლრდ და მთელი იმპორტის 59.6 % შეადგინა. მეორე ადგილს მოგზაურობა იკავებს $184.1 მლნ. (იმპორტის 10.1%), ხოლო მესამე ადგილზეა სადაზღვევო მომსახურება $119.3 მლნ. (იმპორტის 6.5%).

ქვემოთ მოცემული დიაგრამა გვიჩვენებს ქვეყნების ჯგუფების წილს მომსახურების მთლიან ექსპორტსა და იმპორტში.

2021 წელს ათი უმსხვილესი საექსპორტო ქვეყნის წილმა საქართველოს მთლიანი მომსახურების ექსპორტში 61.4 % შეადგინა. უმსხვილესი საექსპორტო ქვეყნებია: თურქეთი ($365.5 მლნ.), აზერბაიჯანი ($242.1 მლნ.) და უკრაინა ($206.7 მლნ. ).

2021 წელს ათი უმსხვილესი საიმპორტო პარტნიორი ქვეყნის წილმა საქართველოს მთლიანი მომსახურების იმპორტში 53.6% შეადგინა. უმსხვილესი საიმპორტო ქვეყნებია: ჩინეთი ($344.7 მლნ.), ირანი ($121.5 მლნ.) და თურქეთი ($102.3 მლნ.)