თბილისი (GBC) - ლაგოდეხში ტურისტული სივრცე მოეწყო. გლემფინგ კარვები და ხის კოტეჯები კომპანიამ "სამი ტბა" მოაწყო.

პროექტის განხორციელებაში 210 000 ლარია ინვესტირებული და აქედან სოფლის განვითარების პროგრამის თანადაფინანსება 168 000 ლარია.

სოფლის განვითარების პროგრამით სულ დაფინანსებულია 76 პროექტი, 10,9 მლნ ლარით, მათ შორის თანადაფინანსება 7.6 მლნ ლარს აღემატება.

„სოფლის განვითარების პროგრამა” ქედას, ხულოს, ბორჯომის, ახალქალაქის, თეთრიწყაროს, ყაზბეგის, ლაგოდეხისა და დედოფლისწყაროს მუნიციპალიტეტებში ხორციელდება.

„სოფლის განვითარების პროგრამას“  სოფლის განვითარების სააგენტო (RDA), ევროკავშირისა (EU) და გაეროს განვითარების პროგრამის (UNDP) მხარდაჭერით, „სოფლისა და სოფლის მეურნეობის განვითარების ევროპის სამეზობლო პროგრამის” (ENPARD) ფარგლებში ახორციელებს.