თბილისი (GBC) - ქართული კომპანია Agritouch სამაცივრე მოწყობილობების მწარმოებელი თურქული კომპანიის SAGI Muhendislik პარტნიორი გახდა. შედეგად ქართულ ბაზარზე ახალი პროდუქტი გამოჩნდა – მოსავლის შესანახი მობილური მაცივარ–კონტეინერები. ამის შესახებ გამოცემა  EastFruit წერს.

ასეთი მაცივრის მთავარი უპირატესობებია:

–             არ საჭიროებს ინფრასტრუქტურულ ხარჯებს;

–             მობილურობა;

–             ტემპერატურული რეჟიმი კონკრეტულ კულტურაზე ადაპტირდება.

მაცივრების ასამუშავებლად მხოლოდ ელექტროენერგიის მიწოდებაა საჭირო.

Agritouch–ის დამფუძნებლის ეკატერინე ვეფხვაძის თქმით, ასეთი ტიპის მაცივრებზე ძალიან დიდი მოთხოვნაა როგორც მწარმოებლების, ისე ტრეიდერების მხრიდან, ვინაიდან მაცივარ–კონტეინერის გამოყენება ხილისა და კენკრის მთელი სეზონის განმავლობაშია შესაძლებელი. მიმდინარე თვეში კომპანია ქართულ ბაზარს ორ მაცივარ–კონტეინერს მიაწვდის.

მაცივარ–კონტეინერის ფასი 20–31 ათასი ევროს ფარგლებში მერყეობს და ფასი კონტეინერის მოცულობასა და ტემპერატურის დიაპაზონზეა დამოკიდებული.