თბილისი (GBC) - ტერაბანკი მომხმარებლებს, რომლებსაც პლასტიკური ბარათის აღება ან განახლება სურთ, აქციას სთავაზობს. აქციის პირობების თანახმად, ნებისმიერ მსურველს საშუალება აქვს, Mastercard გოლდის ან Visa გოლდის პლასტიკური ბარათი კლასიკის ფასად აიღოს და მრავალფეროვანი უპირატესობებით ისარგებლოს.

ტერაბანკის მიერ გავრცელებული ინფორმაციის თანახმად, Mastercard გოლდისა და Visa გოლდის მაღალი კლასის პლასტიკური ბარათების მფლობელები არაერთი შესაძლებლობით სარგებლობენ. მათ შორისაა: VIP სერვისი მთელი მსოფლიოს მასშტაბით, ფასდაკლებები სავაჭრო ქსელებში, ბრენდულ მაღაზიებსა და მომსახურების ობიექტებში, შეღავათიანი და განსაკუთრებული პირობები საბანკო პროდუქტებზე, მაღალი უსაფრთხოება და დაცულობის ხარისხი და ა.შ. აღსანიშნავია, რომ ახალი აქციის დახმარებით, ეს უპირატესობები ტერაბანკის მომხმარებლებისთვის კიდევ უფრო ხელმისაწვდომი გახდება.

პირობებით სარგებლობა ტერაბანკის არსებულ და ახალ მომხმარებლებს ნებისმიერ ფილიალში ვიზიტით შეუძლიათ. Mastercard გოლდისა და Visa გოლდის პლასტიკური ბარათების აქცია 4 თვეს გაგრძელდება.