თბილისი (GBC) - თურქეთის ექსპორტმა ივლისში წინა წლის ანალოგიური პერიოდის მაჩვენებელს 13,4%–ით გადააჭარბა და $18,6 მლრდ–ს მიაღწია. ეს მაჩვენებელი ივლისის თვისთვის ისტორიული მაქსიმუმია.

ამის შესახებ თურქეთის ვაჭრობის მინისტრმა მეხმეტ მუშმა განაცხადა, რომელსაც სააგენტო ანადოლუ ციტირებს.

მინისტრის თქმით, საგარეო ვაჭრობის მოცულობა ივლისში მთლიანობაში 28,7%–ით გაიზარდა და $47,7 მლრდ–ს მიაღწია. ექსპორტის მიმართულებით პოზიტიური ტრენდი თურქეთში 2021 წლიდან შეინიშნება.

წლის პირველ შვიდ თვეში თურქეთის ექსპორტმა $144,4 მლრდ შეადგინა. საქსტატის მონაცემებით, წლის პირველ ნახევარში თურქეთის ექსპორტმა საქართველოში $1,039 მლრდ შეადგინა.