თბილისი (GBC) – Bloomberg-ის პლატფორმაზე ოთხშაბათის ვაჭრობაზე ლარი, თბილისის დროით 10:55 საათისთვის 0,14%–ით მყარდება აშშ დოლართან მიმართებით.

ამ დროისთვის $1 2,7298 ლარი ღირს.

წლის განმავლობაში ლარი დოლართან მიმართებით 11,46%–ით არის გამყარებული.

გლობალურ ბაზრებზე ნავთობის ფასები კვლავ მინუსშია. დილიდან მცირედი ზრდის შემდეგ Brent-ის მარკის ნავთობი ამ დროისთვის ბარელზე 0,4%-ს კარგავს და $100,14–ად ივაჭრება. WTI 0,5%–ით ვარდება და ბარელის ფასი $93,95–ს შეადგენს.