თბილისი (GBC) - Bank of Georgia Group PLC-მ  (BOGG) აქციების გამოსყიდვისა და გაუქმების პროგრამის ფარგლებში, რომელიც 30 ივნისს განაცხადა, საერთო ჯამში უკვე 240,594 აქცია გამოისყიდა (1 აგვისტოს ჩათვლით). 

დღევანდელი აქციის ფასის (£15.92) შესაბამისად, გამოსყიდული აქციების ჯამური ღირებულება £3.83 მლნ-ს უტოლდება. 

30 ივნისისთვის, BOGG-ს 49,169,428 ხმის უფლების მქონე აქცია ჰქონდა, 29 ივლისის მდგომარეობით კი, 48,945,334. ამასთან, ამავე პერიოდისთვის 2,492,540 აქცია აქვს განთავსებული ხაზინაში, გაუქმების მოლოდინში (ხმის უფლების გარეშე). 

შეგახსენებთ, აქციების გამოსყიდვისა და გაუქმების პროგრამა BOGG-მ 30 ივნისს დაამტკიცა, რომლის ფარგლებშიც წლის ბოლომდე კალიტალის მაქსიმუმ 4,916,943 აქციით შემცირებაა დაგეგმილი.