თბილისი (GBC) - საქართველოს რკინიგზამ მწვანე ობლიგაციების ვალდებულებების ფარგლებში მწვანე პროექტებზე გადანაწილებული თანხებისა და გარემოზე ზემოქმედების ანგარიში გამოაქვეყნა, თანახმად, ბოლო 4 წლის განმავლობაში საქართველოს რკინიგზის მიერ მწვანე პროექტებზე დახარჯულმა თანხამ $337.6 მლნ შეადგინა, რაც  მწვანე ობლიგაციის ჯამური მოცულობის 68 პროცენტია. ამის შესახებ ინფორმაციას საქართველოს რკინიგზა ავრცელებს.

რკინიგზის ცნობით, კომპანიამ, როგორც ყველაზე სუფთა სატრანსპორტო საშუალების ოპერატორმა, ბოლო 4 წლის განმავლობაში 500,000 ტონა ნახშირორჟანგი (CO2) დაზოგა.

საქართველოს რკინიგზაში იმასაც აღნიშნავენ, რომ ანგარიში დაამოწმა Sustainalytics-მა, რომელიც წარმოადგენს, გარემოს დაცვით, სოციალურ და მმართველობით (ESG) საკითხებზე მომუშავე წამყვან საერთაშორისო კომპანიას.