თბილისი (GBC) - ბანკების მაღალი მოგება განპირობებული იყო ბანკების საკრედიტო დანაკარგების სარეზერვო ხარჯის სიმცირით, - სებ-ის ვიცე-პრეზიდენტმა  პაპუნა ლეჟავამ, სექტორის 2021 წლის მომგებიანობაზე (₾2,08 მლრდ ) დეპუტატების კითხვებზე საპასუხოდ განაცხადა.

მისი თქმით,  ბანკებმა 1.2 მლრდ ზარალი ნახეს, კოვიდის შოკით , რომელიც ფარავდა 3 წლის ჯამურ შოკს, შესაბამისად მომდევნო წლებში სექტორს ზარალი აღარ უნახავს.

ლეჟავამ აღნიშნა, რომ  2020 წელს  კაპიტალზე ბანკების მომგებიანობა 2% იყო,  ინვესტორების მოლოდინზე 10-ჯერ ნაკლები.

საფინანო -საბიუჯეტო კომიტეტის სხდომაზე, სებ-ის ვიცე-პრეზიდენტმა დეპუტატებს  კონცეპტუალურადაც უპასუხა, რომ  კონკურენციის პირობებში ცალკეული კომპანიის ზემოგებაზე გასვლა გამორიცხულია. ისე რომ ინვესტორების მოლოდინს გადააჭარბოს,

რადგან საბანკო პროდუქტებზე ფასდადება ინვესტორების მოლოდინის შესაბამისად ხდება. და ეს  მოლოდინი კაპიტალზე 20%-იანი უკუგებაა. საქართველოს საბანკო სექტორის მომგებიანობა კი 17-18%-ის ფარგლებში მერყეობდა.

პაპუნა ლეჟავას მოლოდინით წელს საბანკო სექტორი 20%-იან მომგებიანობაზე გავა (როგორც მან ბიზნესპარტნიორს განუცხადა).