თბილისი (GBC) - რუსეთმა გერმანიასა და ცენტრალურ ევროპაში გაზის მიწოდება კიდევ უფრო შეზღუდა. გერმანიის გაზის 55% Nord Stream 1-ით მიეწოდება, რომელიც ამჟამად  მეხუთედი სიმძლავრით მუშაობს.

რუსული სახელმწიფო ენერგოგიგანტი „გაზპრომი“ ცდილობდა შემცირებული მიწოდება აეხსნა ტექნიკური პრობლემით, თუმცა კანადიდან გარემონტებული ტურბინების დაბრუნების შემდეგ ეს არავის სჯერა.

BBC-ს ინფორმაციით, კრიტიკოსები რუსეთის მთავრობას გაზის პოლიტიკურ იარაღად გამოყენებაში ადანაშაულებენ. მათი აზრით, მიწოდების შეზღუდვით რუსეთი ცდილობს ევროპას ზამთრის მარაგების შევსებაში შეუშალოს ხელი.