თბილისი (GBC) – საქართველოს ეროვნული ბანკის (სებ) 2021 წლის ანგარიშის საკომიტეტო მოსმენაზე დეპუტატ სანდრო რაქვიაშვილის კითხვაზე, თუ რატომ არ შემოდიან საქართველოში უცხოური ბანკები, სებ-ის ვიცე პრეზიდენტმა პაპუნა ლეჟავამ აღნიშნა, რომ საფინანსო ბაზარზე მაღალი კონკურენციაა, რაც ართულებს ახალი მოთამაშის შემოსვლას.

ლეჟავას თქმით, ბაზარზე არსებული ბანკების კაპიტალის 85% არის უცხოური და არიან როგორც გერმანული, ისე თურქული, აზერბაიჯანული და ყაზახური ბანკები.