თბილისი (GBC) – საფინანსო–საბიუჯეტო კომიტეტის თავმჯდომარემ ირაკლი კოვზანაძემ სებ–ის პრეზიდენტის 2021 წლის ანგარიშის საკომიტეტო მოსმენის დაწყებისას განაცხადა, რომ მონეტარული სფერო ერთ-ერთი  მთავარი გამოწვევაა საზოგადოებისთვის და ეკონომიკისთვის

„ეროვნული ბანკის წარმოდგენილ ანგარიშგებაში სასურველი იყო გამოკვეთილიყო,  პარლამენტის გასული წლის დადგენილებაში ასახულ შენიშვნებზე და რეკომენდაციებზე რეაგირებები, თუმცა ვიცით, რომ გარკვეული ნაბიჯები რეკომენდაციების შესრულების კუთხით ეროვნული ბანკის მიერ  გადადგმულია“, - განაცხადა ირაკლი კოვზანაძემ.

ირაკლი კოვზანაძე დაინტერესდა რამდენად გაითვალისწინა ეროვნულმა ბანკმა 2020 წლის ანგარიშის განხილვისას გამოთქმული   პარლამენტის   შენიშვნები და რეკომენდაციები.   

საფინანსო-საბიუჯეტო კომიტეტის თავმჯდომარემ მთავარ გამოწვევად ინფლაცია დაასახელა და აღნიშნა, რომ 2021 წელს მონეტარული სფერო იყო და სამწუხაროდ წელსაც არის მთავარი გამოწვევა საზოგადოებისთვის და ეკონომიკისთვის. 

ამ წუთებში საფინანსო-საბიუჯეტო კომიტეტის სხდომაზე ეროვნული ბანკის პრეზიდენტს კობა გვენეტაძეს უსმენენ.