თბილისი (GBC) - საერთაშორისო სავალუტო ფონდმა (სსფ) განაახლა „მსოფლიო ეკონომიკის განვითარების პერსპექტივების“ ანგარიში, რომლის თანახმად დაკორექტირებულია თურქეთის ეკონომიკასთან დაკავშირებული პროგნოზები და ქვეყანა წელს 4%–ით უნდა გაიზარდოს, ხოლო 2023 წელს ზრდა 3,5% იქნება.

წინა პროგნოზი სსფ–მ აპრილში გამოაქვეყნა, სადაც ნათქვამი იყო რომ თურქეთის ეკონომიკური ზრდა მიმდინარე წელს 2,7%–ს, ხოლო 2023–ში 3%–ს შეადგენდა, წერს თურქული სააგენტო ანადოლუ.

რაც შეეხება გლობალურ ეკონომიკას, წელს პროგნოზი 3,2%–მდეა შემცირებული, ხოლო 2023 წლისთვის – 2,9%–მდე.