თბილისი (GBC) - ივნისში საქართველოში $39.3 მლნ-ის 843.3 ტონა დაფასოებული სამკურნალო საშუალებები შემოვიდა, რაც თანხობრივად 10.8%-ით მეტია 2021 წლის ანალოგიური პერიოდის მაჩვენებელზე ($35.5 მლნ-ის 929.8 ტ).

ივნისში იმპორტირებული წამლები 22.3%-ით არის გაძვირებული. თუ 2021 წლის ივნისში იმპორტირებული წამლების საშუალო ფასი 1კგ–ზე $38.2 იყო, წელს $46.7–ს შეადგენს.

თუმცა, თურქეთიდან იმპორტირებული წამლების ფასები 32.4%-ით არის შემცირებული.

გთავაზობთ ივნისის ტოპ 3 ქვეყანას, საიდანაც წამლების იმპორტი განხორციელდა:

1. თურქეთი $6.9 მლნ-ის 99.7 ტ;

2. შვეიცარია $4.6 მლნ-ის 26.1 ტ;

3. საფრანგეთი $3.3 მლნ-ის 19.3 ტ.

საქსტატის მონაცემების მიხედვით, ივნისში მედიკამენტების ფასების ცვლილება, წინა წლის ანალოგიურ პერიოდთან შედარებით, ასეთია:

1. სისხლძარღვთა გამაფართოებელი მედიკამენტები გაიაფდა 5.7%-ით;

2. ტკივილგამაყუჩებელი მედიკამენტები გაიაფდა 6.7%-ით;

3. შპრიცი გაძვირდა 10.6%-ით;

4. თერმომეტრი გაძვირდა 7.9%-ით.