თბილისი (GBC) – ქართული კომპანიების აქციების ფასი ლონდონის ბირჟაზე გასულ კვირაში არაერთგვაროვან დინამიკას უჩვენებდნენ. წინა კვირასთან და წინა თვესთან შედარებით ზრდა მხოლოდ Georgia Capital-მა აჩვენა, საქართველოს ბანკის ჯგუფის აქციები წინა კვირასთან არ შეცვლილა, თუმცა წინა თვესთან მინუსშია გასული. თიბისი ბანკის ჯგუფი წინა კვირასთან დაახლოებით იმდენივეს იგებს, რაც წინა თვესთან დაკარგა.

გალთ & თაგარტის მონაცემებით, საქართველოს ბანკის ჯგუფის (BGEO LN) აქციები დაიხურა 14.38 ბრიტანულ გირვანქა სტერლინგში (GBP), უცვლელი წინა კვირასთან შედარებით და -3.88% გასულ თვესთან შედარებით. ვაჭრობის მოცულობამ 336 ათას აქციაზე მეტი შეადგინა, GBP 13.90 - 14.48 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 63 ათასი აქცია შეადგინა.

თიბისი ბანკის ჯგუფის (TBCG LN) აქციები დაიხურა 12.48 ბრიტანულ გირვანქა სტერლინგში (GBP), +5.58% წინა კვირასთან შედარებით და -5.02% გასულ თვესთან შედარებით. ვაჭრობის მოცულობამ 256 ათას აქციაზე მეტი შეადგინა, GBP 11.32 - 12.48 დიაპაზონში. ბოლო 4 კვირის

განმავლობაში, საშუალო დღიური ვაჭრობის მოცულობამ 33 ათასი აქცია შეადგინა.

Georgia Capital-ის (CGEO LN) აქციები დაიხურა 6.30 ბრიტანულ გირვანქა სტერლინგში (GBP), +3.45% წინა კვირასთან შედარებით და +12.30% გასულ თვესთან შედარებით. ვაჭრობის მოცულობამ 104 ათას აქციაზე მეტი შეადგინა, GBP 5.96 - 6.30 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 35 ათასი აქცია შეადგინა.