თბილისი (GBC) – რუსეთის პრეზიდენტმა ვლადიმირ პუტინმა განაცხადა, რომ ხელს შეუწყობს უკრაინული ხორბლის ექსპორტს, თუმცა ამავე დროს რუსული ხორბლის ექსპორტზე ყველა შეზღუდვა უნდა მოიხსნას.

„თურქეთის რესპუბლიკამ და პირადად პრეზიდენტმა ერდოღანმა ბევრი გააკეთეს იმისათვის, რომ უკრაინული ხორბლის გატანის შეთანხმება მიღწეულიყო. მაგრამ თავიდანვე ჩვენ ასე ვსვამდით საკითხს, რომ ეს უნდა მოხდეს კომპლექსურად, კერძოდ – ჩვენ ხელს შევუწყობთ უკრაინული ხორბლის გატანას, მაგრამ ამავე დროს ყველა შეზღუდვა უნდა მოიხსნას რუსული ხორბლის ექსპორტსა და მიწოდებაზე“, – განაცხადა პუტინმა ოთხშაბათის პრეს–კონფერენციაზე, რომელზეც ირანში სამუშაო ვიზიტის შედეგები შეაჯამა.

მისივე თქმით, ეს საკითხები საერთაშორისო ორგანიზაციებთან შეთანხმებულია.

„მათ აიღეს პასუხისმგებლობა ასეთ მიდგომაზე, დღემდე პრეტენზია არავის გამოუთქვამს, მათ შორის არც ჩვენს ამერიკელ პარტნიორებს. მაგრამ ვნახოთ, რა მოხდება უახლოეს პერიოდში“, – თქვა პუტინმა.