თბილისი (GBC) - იანვარ-ივნისში საქართველოდან საქონლის ექსპორტის მოცულობამ  $2.6 მლრდ შეადგინა, რაც 35.6%-ით მეტია წინა წლის იმავე პერიოდის მაჩვენებელზე (2021 იან-ივნ: $1.9 მლრდ). ადგილობრივი ექსპორტი, მთლიანი ექსპორტის 73.5%-ს შეადგენს. აღნიშნული მაჩვენებელი წინა წლის შესაბამის პერიოდთან შედარებით 36.3%-ით გაიზარდა და $1.9 მლრდ შეადგინა (2021 იან-ივნ: $1.4 მლრდ).

ცხრილში მოცემულია  ექსპორტის ტენდენციები საქართველოში 2017-2022 წლების იანვარ-ივნისში (მლნ $):

ცხრილში მოცემულია  საქართველოდან განხორციელებული ექსპორტი 2017-2022 წლების იანვარ-ივნისში (მლნ. $):

იანვარ-ივნისში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 81.6% შეადგინა. ამ მხრივ, უმსხვილესი საექსპორტო პარტნიორებია: ჩინეთი ($376.2 მლნ), თურქეთი ($240.2 მლნ) და ბულგარეთი ($224.1 მლნ).

ამ პერიოდში, ადგილობრივი ექსპორტის ათეულში პირველ ადგილზე სპილენძის მადნები და კონცენტრატები არის წარმოდგენილი  $533.1 მლნ., აღნიშნული სასაქონლო ჯგუფის წილი მთლიანი ადგილობრივი ექსპორტის 28.3% შეადგენს. მეორე ადგილზეა ფეროშენადნობები $295.6 მლნ (მთლიანი ადგილობრივი ექსპორტის 15.7%), ხოლო მესამე ადგილს იკავებს აზოტოვანი სასუქები %165.8 მლნ (მთლიანი ადგილობრივი ექსპორტის 8.8%).