თბილისი (GBC) – იანვარ-ივნისში საერთაშორისო მოგზაურების ვიზიტების რაოდენობამ 1.6 მლნ შეადგინა, რაც 234.5%-ით მეტია 2021 წლის იმავე პერიოდზე (486 ათასი).

ივნისში რუსეთიდან 90 239 ვიზიტი განხორციელდა, რაც 502.9%-იანი ზრდაა (Y.Y). თუმცა ეს რიცხვი 40.7%-ით ნაკლებია 2019 წლის ივნისზე (152 155).

რიცხვებით ვხედავთ, რომ რუსი ტურისტების ნაკადი პრეპანდემიურ პერიოდთან შედარებით ბევრად ნაკლებია, თუმცა აღსანიშნავია დიდი მატება მაისის ნაკადთან შედარებით.

ცნობილია, რომ რუსეთიდან და ბელარუსიდან საქართველოში უფრო და უფრო მეტი ადამიანი ჩამოდის პოლიტიკურ-ეკონომიკური მიზეზებიდან გამომდინარე, მათ შორის - სანქციებთან დაკავშირებული პრობლემების თავიდან ასაცილებლად მოემგზავრება. გარკვეულწილად სტატისტიკის ასეთი ცვლილება ამ ფაქტს უკავშირდება.

 2022 წლის იანვარ-მაისში  ტურიზმიდან მიღებულმა შემოსავალმა $841 მლნ შეადგინა, რაც  375%-ით მეტია წინა წლის იმავე პერიოდზე ($177.2მლნ).  თუმცა, წლევანდელ მონაცემებს თუ შევადრით პანდემიანდელ პერიოდს, ტურიზმიდან შემოსავალი 2019 წლის იანვარ-მაისში  32.7%-ით მეტია 2022 იმავე პერიოდზე (2019 იან-მაისი: 1.1 მლრდ).ჯამური შემოსავლებში - $ 840 მლნ, 18%  - $150 მლნ რუსეთიდანაა.თუმცა პრეპანდემიურ პერიოდთან შედარებით, გაზრდილი არ არის.