თბილისი (GBC) - თურქეთის სამხრედ–დასავლეთ ნაწილში, მაგლას პროვინციაში ტყის ხანძრებს ებრძვიან. მეხანძრეებს თვითმფრინავებით და ვერტმფრენებით ეხმარებიან, წერს თურქული სააგენტო ანადოლუ.

ტყეს ცეცხლი 13 ივლისს მოედო, რომელიც ძლიერი ქარის გამო სწრაფად გავრცელდა. ამ მომენტისთვის მეხანძრეები ცეცხლის კერების ლოკალიზებას ცდილობენ. ხანძართან ბრძოლის პროცესს უშუალოდ აკონტროლებს თურქეთის სოფლისა და სატყეო მეურნეობის მინისტრი.

ხუთშაბათს ცეცხლის ქრობაში 10 თვითმფრინავი, 17 სახანძრო ვერტმფრენი, 3 ადმინისტრაციული ვერტმფრენი, 170 სახანძრო მანქანა, 19 ავტოცისტერნა, 29 სამუშაო ტექნიკა და 1 500 მეხანძრეა ჩართული.