თბილისი (GBC) - საბავშვო კონსტრუქტორების მწარმოებელი Lego რუსეთში კომერციულ საქმიანობას წყვეტს და აუქმებს კონტრაქტს Inventive Retail Group–თან, რომელიც რუსეთში ბრენდის 81 მაღაზიას მართავდა. ამის შესახებ Inc со კომპანიის თანამშრომლებზე დაყრდნობით წერს.

ეს ინფორმაცია ასევე დაადასტურა Lego-ს რუსული ქვეგანყოფილების გენერალურმა დირექტორმა ევგენი ჩიხაჩევმა.

„საოპერაციო გარემოს არსებითი რღვევის გათვალისწინებით გადავწყვიტეთ, გაურკვეველი ვადით შევწყვიტოთ რუსეთში კომერციული საქმიანობა. ამით მნიშვნელოვნად მცირდება ჩვენი გუნდის საქმიანობა მოსკოვში და ჩვენი პარტნიორობა Inventive Retail Group–თან“, – თქვა ჩიხაჩევმა.

ექსპერტები ირწმუნებიან, რომ პარალელური იმპორტის სახით შეტანილი კონსტრუქტორების რეალიზაცია იგივე მაღაზიებში იქნება შესაძლებელი, მაგრამ სავაჭრო ობიექტებზე ლოგოები შესაცვლელი იქნება.