თბილისი (GBC) - აზერბაიჯანიდან საქართველოში ბუნებრივი გაზის მოწოდებამ წლის პირველ 6 თვეში 1,5 მლრდ მ3 შეადგინა, განაცხადა აზერბაიჯანის ენერგეტიკის მინისტრმა ფარვიზ შახბაზოვმა.

სულ, საანგარიშო პერიოდში, აზერბაიჯანში 23,4 მლრდ მ3  გაზი მოიპოვეს, რაც 15,1%–ით მეტია 2021–ის ანალოგიური პერიოდის მაჩვენებელზე.

მოპოვებული გაზის დაახლოებით ნახევარი 11,2 მლრდ მ3 ექსპორტირებულია. მათ შორის, აზერბაიჯანიდან ევროპაში 5,4 მლრდ მ3 გაზი გაიგზავნა, თურქეთში – 4,3 მლრდ მ3, საქართველოში კი 1,5 მლრდ მ3.

მინისტრის თქმით, 2021 წელს გაზის ექსპორტი აზერბაიჯანმა 25,7%–ით გაზარდა. მათ შორის პირველ და მეორე კვარტალში 16,5 მლრდ მ3 გაზი მოიპოვეს, საიდანაც 13,4 მლრდ მ3 ექსპორტზე გავიდა.