თბილისი (GBC) - ბრიუსელში ციფრული ევროს შემუშავებას გეგმავენ, რომლის დანიშნულებაც ნაღდი ფულის „შევსება“ იქნება. ამის შესახებ ევროკომისიის წარმომადგენელმა პაოლო ჯენტილონმა განაცხადა.

„რაც შეეხება ციფრულ ევროს, ნება მომეცით აღვნიშნო, რომ ყველა ვთანხმდებით, რომ ის იქნება ნაღდი ფულის არა შემცვლელი, არამედ მისი შემავსებელი“, – განაცხადა ჯენტილონმა ევროჯგუფის სხდომის შემდეგ.

მისივე თქმით, ევროკავშირის წევრი ქვეყნების ეკონომიკისა და ფინანსთა მინისტრები შეხვედრაზე შეთანხმდნენ ციფრული ევროს შემუშავების აუცილებლობაზე, „რათა თავიდან იქნას აცილებული ფინანსურ შუამავლობასა და სტაბილურობაზე არასასურველი ზემოქმედებები“.