თბილისი (GBC) - მიმოქცევაში ეროვნული ვალუტის მოცულობა ივნისში 4.6 მლრდ-მდე გაიზარდა, რაც  განაღდებებების მოცულობის მატებამ განაპირობა. შესაბამისად სისტემას (საბანკო სექტორი)  60 მლნ ლარის  ლიკვიდობა დააკლდა. ფულის მასა (სარეზერვო ფული) კი 10.3 მლრდ-მდეა გაზრდილი.

ივლისში სისტემას კიდევ 100 მლნ-მდე ლარის ლიკვიდობა გამოეცალა. ბოლო 10 დღეში ნაღდი ფული მიმოქცევაში 4.7 მლრდ ლარამდე გაიზარდა. სებ-მა  Bmatch პლატფორმით ბაზარს  60 მლნ ლარამდე ლიკვიდობა მიაწოდა (Bmatch-ზე წმინდა შესყიდვებმა $20 მლნ-ზე მეტი შეადგინა).

სებ-ის სტატისტიკით, 1–ლი ივლისისთვის  სებ-ში ბანკების 5.674 მლრდ ლარის დეპოზიტებია, საიდანაც 4.9 მლრდ სავალდებულო რეზერვებია  (01.01.2022  – 5.8 მლრდ; 5.1 მლრდ, შესაბამისად).

აღნიშნული მაჩვენებელი მოიცავს ბანკების საკორესპონდენტო ანგარიშებზე ნაშთებს და სავალდებულო რეზერვებს.

რეზერვების კლება, ივლისიდან, სავალუტო სახსრებზე სარეზერვო ნორმის შემსუბუქებით იხსნება. რომლის  მიზანი  დეპოზიტების დოლარიზაციის შემცირება იყო. სარეზერვო მოთხოვნა  25%/15%-დან  10%-მდე შემცირდა იმ ბანკისთვის, რომლის დეპოზიტების დოლარიზაციის კოეფიციენტი 40%-ს აღემატება და საერთოდ ვერ სარგებლობს თუ >70%-ია.

ბაზარი შიშობს, რომ სავალუტო დაკრედიტების აჩქარების ჩასაცხრობად, განსაკუთრებით ევროს გაიაფების რეალობაში, სებ-ი სარეზერვო ნორმას გაამკაცრებს. სებ-ს საჭიროების შემთხვევაშის  30-40%-მდე გაზრა აქვს გაცხადებული.