თბილისი (GBC) - უკრაინა მილიონიანი არმიის შექმნას გეგმავს, რომელიც მთლიანად ნატოს სტანდარტებით იქნება შეიარაღებული. არმიის მიზანია დაიბრუნოს უკრაინის სამხრეთ ნაწილი, რომლის ოკუპაციაც რუსეთმა მოახდინა.

უკრაინის თავდაცვის მინისტრი ოლექსეი რეზნიკოვი აცხადებს, რომ ქვეყნის სამხრეთი ტერიტორიები კრიტიკულად მნიშვნელოვანია უკრაინის ეკონომიკისთვის.

რეზნიკოვის განცხადებას BBC-ს ჟურნალისტი ჯო ინვუდი აფასებს და ამბობს, რომ მინისტრის განცხადება უფრო „საპროტესტო ტირილს“ ჰგავს, ვიდრე კონკრეტულ გეგმას. 

კვირას, ქალაქ კრამატორსკში (დონეცკის რეგიონი), საცხოვრებელ კორპუსზე თავდასხმას სულ მცირე 18 ადამიანი ემსხვერპლა. 20-მდე ადამიანი კი ნანგრევებში მოყვა.

გაზეთ „თაიმსთან“ ინტერვიუში რეზნიკოვმა შეაქო ბრიტანეთი, რომელმაც განაცხადა, რომ უკრაინაში საბჭოთა იარაღის ჩანაცვლება ნატოს სტანდარტის იარაღით მოხდება.

უკრაინა რუსების მიერ ჩადენილ 21 000 სავარაუდო სამხედრო დანაშაულს იძიებს.