თბილისი (GBC) - ქართული კომპანიების კორპორაციული ევროობლიგაციების ფასი გასულ კვირაში არაერთგვაროვანი იყო. თუ საქართველოს ბანკის ჯგუფისა და საქართველოს სუვერენული ობლიგაციები პლუსში ივაჭრებოდა, საქართველოს რკინიგზის ობლიგაციების ფასი მცირებით – 0,26%–ით დავარდა.

კერძოდ, საქართველოს ბანკის ჯგუფის ევროობლიგაცია (GEBGG) 6.09%-იანი შემოსავლიანობით, ფასით 99.94 (+1.13% წინა კვირასთან შედარებით) დაიხურა.

საქართველოს კაპიტალის ევროობლიგაციებით (GEOCAP) ვაჭრობა დაიხურა ფასით 95.45 (-0.33% წინა კვირასთან შედარებით), 9.13%-იანი შემოსავლიანობით.

საქართველოს რკინიგზის ევროობლიგაცია (GRAIL) ივაჭრებოდა 84.43 ფასად (-0.26% წინა კვირასთან შედარებით), 7.28%-იანი შემოსავლიანობით.

საქართველოს სუვერენული ევროობლიგაცია (GEORG) დაიხურა ფასით 83.22 (+0.11% წინა კვირასთან შედარებით), 7.98%-იანი შემოსავლიანობით.