თბილისი (GBC) – თურქეთის ექსპორტი მეზობელ ქვეყნებში – ბულგარეთში, საქართველოში, ერაყში, ირანში, სირიაში და საბერძნეთში იანვარ–ივნისში 25,4%–ით გაიზარდა, წინა წლის ანალოგიურ პერიოდთან შედარებით და $11,448 მლრდ შეადგინა. ამის შესახებ თურქული სააგენტო ანადოლუ ვაჭრობის სამინისტროსა და თურქეთის ექსპორტიორთა ასამბლეაზე დაყრდნობით წერს.

აღნიშნულ ქვეყნებში თურქულმა ექსპორტმა 2021 წლის იანვარ–ივნისში ექსპორტმა $9,13 მლრდ შეადგინა. წლის პირველ ნახევარში თურქეთის მთლიანი ექსპორტი $126 მლრდ–მდეა გაზრდილი.

თურქეთის სამეზობლოში ექსპორტის წილით საქართველო ($897 740 000) მეოთხე ადგილზეა ბულგარეთის ($2 265 144 000), საბერძნეთის ($1 558 737 000) და ირანის ($1 159 680 000) შემდეგ. ხუთეულს კი სირია კრავს $729,9 მლნ–ით.

საანალიზო პერიოდში თურქეთის ექსპორტი ყველაზე მეტად – 39,1%–ით ბულგარეთში გაიზარდა, მეორე ადგილზეა საქართველოს მიმართულება – 37,6%–ით და მესამეზე ერაყი – 24,1%–ით.