თბილისი (GBC) – Amazon-ის დამფუძნებელი ჯეფ ბეზოსი და თეთრი სახლი პრეზიდენტ ბაიდენის განცხადების გამო შეკამათდნენ, რომელიც ქვეყნის პირველი პირი ბენზინგასამართი სადგურების მფლობელებს საწვავის გაიაფებისკენ მოუწოდებდა.

ჯეფ ბეზოსმა აშშ–ის პრეზიდენტ ჯო ბაიდენზე თქვა, რომ მას არ ესმის ბაზრის დინამიკა. ეს ბრალდება ბეზოსმა მას შემდეგ წაუყენა პრეზიდენტს, რაც მან ბენზინგასამართ სადგურებს ფასის დაწევისკენ მოუწოდა, წერს გამოცემა Forbes. 

თეთრი სახლის პრეს–მდივანმა კარინ ჟან–პიერმა და საპასუხოდ მსოფლიოს ერთ–ერთი უმდიდრესი ადამიანი იმ ადამიანების მხარდაჭერაში დაადანაშაულა, რომლებიც ამერიკელებზე შოულობენ ფულს. 

ბრალდებების ურთიერთგაცვლა სოციალურ ქსელ Twitter–ზე მოხდა, სადაც ბაიდენმა თავისი მოწოდება გამოაქვეყნა.