თბილისი (GBC) – იანვარ–ივნისში ბაქო–თბილისი–ჯეიჰანის (ბთჯ) საზღვაო ტერმინალიდან, რომელიც თურქეთის პროვინცია ადანაში მდებარეობს, 106 982 579 ბარელი ნავთობი გადაიტვირთა. ამის შესახებ ინფორმაციას თურქული საინფორმაციო სააგენტო ანადოლუ ავრცელებს. 

ბთჯ–ის თურქეთის მონაკვეთის ოპერატორი 2006 წლიდან არის თურქული სახელმწიფო კომპანია BOTAŞ International Ltd (BIL).

BOTAŞ–ის მონაცემებით, 2006 წლიდან, როდესაც ტერმინალი გაიხსნა, ბთჯ–ის გავლით 3,777 მლრდ ნავთობია გადაზიდული.

წელს ყველაზე მეტი ნავთობი – 20,5 მლნ ბარელი – მაისში გადაიტვირთა, ხოლო ყველაზე ნაკლები თებერვალში – 13,5 მლნ ბარელი.

ნავთობის გადაზიდვის მონაცემები:

 BOTAŞ–ის მონაცემების თანახმად, პირველ 6 თვეში ბთჯ–ის გავლით ნავთობის გადაზიდვის მაჩვენებლები შემდეგია:

იანვარში – 17 706 620 ბარელი;

თებერვალში – 13 581 125 ბარელი;

მარტში – 17 743 856 ბარელი;

აპრილში – 19 951 346 ბარელი;

მაისში – 20 479 706;

ივნისში = 17 519 926 ბარელი.

ადანას ტერმინალიდან, რომელიც ჰეიდარ ალიევის სახელს ატარებს, აზერბაიჯანული ნედლი ნავთობი ტანკერებით მსოფლიოს სხვადასხვა მიმართულებით გადაიზიდება.