თბილისი (GBC) – Credit Suisse დამნაშავედ ცნეს ფულის გათეთრების ბრალდებით. ბანკი დაჯარიმებულია 1.7მლნ ფუნტის ოდენობით და  დავალებული აქვს შვეიცარიის მთავრობისათვის 15 მლნ ფუნტის გადახდა.

 შვეიცარიის სასამართლომ ბანკი დამნაშავედ ცნო ბულგარელი ნარკომოვაჭრეების საქმეზე. ბანკი დამნაშავედ ცნეს და ბრალი დასდეს მონაცემენის არასაკმარისი გადამოწმებისთვის. BBC-ს ინფორმაციით კრიმინალურ სინდიკატს,რომელსაც ევროპაში ნარკო ქსელი ქონდა, ბანკმა არასაკმარისად გამოიკვლია.

 აღნიშნულ საქმეზე დაკავებულია ყოფილი ბულგარელი ჩოგბურთელი ელენა პამპულოვა-ბეგრომი, რომელიც კრედიტ სუისში მუშაობდა.

 შვეიცარიის უმაღლესმა სისხლის სამართლის სასამართლომ ყოფილი ჩოგბურთელი დამნაშავედ ცნო ფულის გათეთრებაში და მიიღო 20-თვიანი პირობითი პატიმრობა. იგი ასევე 1.7მლნ ფუნტით დაჯარიმდა.

 Credit Suisse-შვეიცარიის სიდიდით მეორე ბანკი  ყველა ბრალდებას უარყოფს და აცხადებს, რომ განაჩენის გასაჩივრებისთვის ემზადება.

ორშაბათს შუადღის ვაჭრობაში Credit Suisse-ის აქციები 0.7%-ით დაეცა, მაგრამ მოგვიანებით 0.4%-ით გაიზარდა.