თბილისი (GBC) - BAG-ს მიერ გამოკითხულ კომპანიათა 29.9% აცხადებს, რომ 2022 წლის II კვარტალში, 2022 წლის I კვარტალთან შედარებით, მათთან დასაქმებულთა რაოდენობა იზრდება, ხოლო კომპანიათა 5.6%-ში მცირდება. კომპანიათა უმეტესობის (64.5%) განცხადებით, დასაქმებულთა რაოდენობა არ იცვლება.  სექტორებს შორის, მრეწველობის სექტორში გამოკითხულ კომპანიათა ყველაზე დიდი ნაწილი (40%) ამბობს, რომ წინა კვარტალთან შედარებით, 2022 წლის II კვარტალში, დასაქმებულთა რაოდენობა იზრდება. 

ვაჭრობის, მშენებლობის და მომსახურების სექტორებში გამოკითხულ კომპანიათა მნიშვნელოვანი ნაწილი (65.7%, 63.6% და 69.6%, შესაბამისად) ამბობს, რომ 2022 წლის II კვარტალში, 2022 წლის I კვარტალთან შედარებით, დასაქმებულთა რაოდენობა არ იცვლება.

გამოკითხული კომპანიების 31.8% თვლის, რომ 2022 წლის III კვარტალში, 2022 წლის II კვარტალთან შედარებით, დაქირავებულთა რაოდენობას გაზრდის, მხოლოდ 3.7% ვარაუდობს კლებას.

 კომპანიათა უმეტესობა (64.5%) არ აპირებს დასაქმებულთა რაოდენობის ცვლილებას.  დასაქმების მიმართულებით ყველაზე პოზიტიური მოლოდინი მრეწველობის სექტორში ფიქსირდება, სადაც 2022 წლის III კვარტალში, 2022 წლის II კვარტალთან შედარებით, დასაქმებულთა რაოდენობის ზრდას კომპანიათა 46.7% ვარაუდობს. აღნიშნულს, სავარაუდოდ, განაპირობებს ამ სექტორში არსებული პოზიტიური მოლოდინი გაყიდვების ზრდასთან დაკავშირებით.  სექტორებს შორის, მომსახურების სექტორში გამოკითხულ კომპანიათა ყველაზე დიდი ნაწილი (76.1%) მიიჩნევს, რომ 2022 წლის III კვარტალში, 2022 წლის II კვარტალთან შედარებით, დასაქმებულთა რაოდენობა არ შეიცვლება.