თბილისი (GBC) - სოჭში და ოკუპირებულ აფხაზეთში პოპულარული სასტუმროები ზაფხულის სეზონის ბოლომდე პრაქტიკულად სრულად დაკავებულია და თავისუფალი ნომრების შოვნა უკიდურესად გართულებულია. ამის შესახებ რუსული სააგენტო რია ნოვოსტი ტურისტული ინდუსტრიის წარმომადგენლებზე დაყრდნობით წერს.

„ზაფხულის სეზონის ბოლომდე უკვე შეუძლებელია თავისუფალი ნომრების პოვნა რეკომენდებულ სასტუმროებში სოჭსა და აფხაზეთში“, – აცხადებს რუსული ტუროპერატორი „ინტურისტი“.

ტუროპერატორის „რუსკი ექსპრეს“ წარმომადგენელი კი აცხადებს, რომ დღეისთვის ყველაზე მეტად შევსებულია სოჭისა და აფხაზეთის მიმართულებები და თუ სოჭში კიდევ შეიძლება ნომრების მოძიება, დიდი საწოლფონდის გამო, სოხუმში ეს პრაქტიკულად შეუძლებელია.