თბილისი (GBC) – თორნიკე გოგიჩაიშვილმა, TBC Bank-ის გენერალური დირექტორის მოადგილემ და ოპერაციების მართვის დირექტორმა ლონდონის საფონდო ბირჟაზე თავისი კუთვნილი 7,429 ცალი ჩვეულებრივი აქცია (ნომინალური ღირებულებით £0.01) გაყიდა.

ვაჭრობა 20 და 21 ივნისს შედგა, საშუალო ფასმა კი £13.4 და £13.51 შეადგინა. შესაბამისად, გოგიჩაიშვილმა აქციების გაყიდვით £99,989-ის შემოსავალი მიიღო.

თორნიკე TBC-ის გუნდს 2018 წელს შეუერთდა. 2020 - ის ბოლოსთვის მას დირექტორატში ყველაზე ცოტა და ამავე დროს, მხოლოდ გადავადებული აქციები ეჭირა, 62,507 - ის ოდენობით.

2021-ში მას 11,914 აქცია გადაეცა, ხოლო 19,666 აქცია კი გაანაღდა. შედეგად, 2021 წლის ბოლოს მას 54,755 აქცია ეკავა (სრულად გადავადებული).

შეგახსენებთ, გოგიჩაიშვილი 2010 წლიდან საქართველოს ბანკში ირიცხებოდა, მათ შორის, 2016-2017 წლებში ის სამეთვალყურეო საბჭოს წევრი, გენერალური დირექტორის მოადგილე იყო საოპერაციო მიმართულებით.