თბილისი (GBC) -  საქართველოს საბანკო ასოციაციის და გაეროს სურსათისა და სოფლის მეურნეობის ორგანიზაციის (FAO) ერთობლივი ორგანიზებით გაიმართა შეხვედრა, რომელიც ცხოველთა რეგისტრაცია-იდენფიციკაციის ახალ სისტემას შეეხო.

შეხვედრაში მონაწილეობდნენ კომერციული ბანკების, სურსათის ეროვნული სააგენტოს, გაეროს სურსათისა და სოფლის მეურნეობის ორგანიზაციის და საბანკო ასოციაციის წარმომადგენლები. შეხვედრა თბილისში, სასტუმრო ქორთიარდ მარიოტში ჩატარდა.  

შეხვედრის მთავარი მიზანი კომერციული ბანკების წარმომადგენლებისთვის ცხოველთა რეგისტრაცია-იდენტიფიკაციის ახალი ონლაინ სისტემის, NAITS-ის გაცნობა იყო. სისტემა შეიქმნა სურსათის ეროვნული სააგენტოს მიერ, გაეროს სურსათისა და სოფლის მეურნეობის ორგანიზაციის მხარდაჭერით. მომხსენებლებმა საქართველოში ცხოველთა რეგისტრაცია-იდენტიფიკაციის არსებულ მიდგომებზე ისაუბრეს და შემდეგ, დამსწრეებს ახალი ონლაინ სისტემა გააცნეს.

ღონისძიების დასასრულს გაიმართა აქტიური დიალოგი, რომელიც ბანკების მიერ დაკრედიტების პროცესში აღნიშნული სისტემის გამოყენების შესაძლებლობებს შეეხო.