თბილისი (GBC) - საქართველოში საცხოვრებელი უძრავი ქონების წილი მთლიან დაკრედიტებაში მსოფლიოში ერთ-ერთი ყველაზე მაღალია. კერძოდ, ეროვნული ბანკის მონაცემებით, მთლიანი სესხების 32.8% სწორედ საცხოვრებელი უძრავი ქონების სესხებზე მოდის. შედარებისთვის ეს მაჩვენებელი სომხეთში 11.6%-ია, თურქეთში 7.2%, უკრაინაში 2.9%, რუსეთში კი 12.9%. პოლონეთში ეს მაჩვენებელი 29%.1%-ია, ლატვიაში 23.4%, ლიეტუვაში 21.2%, გერმანიაში 19.9%, გაერთიანებულ სამეფოში 20.9%, ხოლო ამერიკის შეერთებულ შტატებში 28.2%. 

ამასთან მსგავსია მონაცემები კომერციული უძრავი ქონების სესხებთან მიმართებითაც, რისი წილიც მთლიან სესხებში 31.8%-ს შეადგენს, მაშინ როდესაც იგივე მაჩვენებელი თურქეთში 0.3%-ს შეადგენს, რუსეთში 2%-ს, ამერიკაში 16.4%-ს, გაერთიანებულ სამეფოში 3%-ს, გერმანიაში კი 6.2%-ს. 

საქართველოში იპოთეკური სესხების წილი მთლიან სესხებში 21.5%-ს შეადგენს, უმოქმედო სესხების წილი კი მთლიან იპოთეკურ სესხებში 2.8%-ია. ეს მაჩვენებელი კი ბოლო პერიოდში მნიშვნელოვნად შემცირდა. კერძოდ, მან ზრდა პანდემიისას დაიწყო და გასული წლის დასაწყისში 7%-ს მიაღწია, თუმცა ამ პერიოდიდან კლება დაიწყო.