თბილისი (GBC) – უმსხვილესმა ამერიკულმა ბანკებმა  JPMorgan Chase–მა და Goldman Sachs–მა შეწყვიტეს რუსეთის სახელმწიფო ვალის მომსახურების ოპერაციები, წერს სააგენტო Bloomberg წყაროებზე დაყრდნობით.

სააგენტოს ინფორმირებული წყაროების მონაცემებით, ზემოხსენებული ბანკები მანამდე, მიმდინარე თვეში, აწარმოებდნენ ვაჭრობას რუსულ სახელმწიფო ვალზე, თუმცა ამერიკის ფინანსთა სამინისტროს მითითების შემდეგ ყველა ოპერაცია შეაჩერეს ამ სფეროში.

აშშ–ის ფინანსთა სამინისტრომ 24 მაისს დააანონსა ლიცენზიების გაგრძელებაზე უარი, რომლითაც რუსეთი სახელმწიფო ვალს ემსახურებოდა. რუსეთის მთავარმა ფინანსისტმა ანტონ სილუანოვმა განაცხადა, რომ რუსეთი თავისი სახელმწიფო ვალდებულებებს რუბლებში მოემსახურება.