თბილისი (GBC) - RISSA INVESTMENT LIMITED-ისგან „IDS ბორჯომის“ 7.7% წილის სახელმწიფოსთვის გადაცემის ტრანზაქცია ეკომომიკის მინისტრმა განმარტა: ბორჯომის 49.99%-ის მფლობელია იქნება ERASMONY LIMITED-ი, 38.48% -ის - Black Waters Limited-ი და საქართველოს სახელმწიფოსი  -7.73%-ს (ხმის უფლების მქონე დირექტორით).  მინორიტარების ( ბორჯომის ყოფილი თანამშრომლები და სხვები ...)  მფლობელობაშია - 3.79%-ს.

2-2  დირექტორი  ეყოლება ERASMONY LIMITED-ს და Black Water Limited-ს.  და ერთი, გადამწყვეტი ხმის უფლების მქონე აქციონერია დირექტორთა საბჭოს ხელმძღვანელი, რომელსაც სახელმწიფო წარმოადგენს.

„გვქონდა კომუნიკაცია ყველა საერთაშორისო და  მნიშვნელოვან სტრატეგიულ პარტნიორთან, საელჩოებთან, რადგან ჩვენთვის მნიშვნელოვანია,  „ბორჯომის“ ინტერესების დაცვა, ისე რომ სახელმწიფოს არ ჰქონდეს პრობლემური ვალდებულებები. ასე რომ, დროის მოკლე მონაკვეთში, საქმის სრულფასოვანი შესწავლის შემდეგ, სახელმწიფომ ეს გადაწყვეტილება მიიღო და ვფიქრობ, ჩვენ შევძლებთ, საქართველოსთვის ერთ-ერთი   ყველაზე მნიშვნელოვანი ეროვნული ბრენდის წარმატებაში ჩვენი წვლილი შევიტანოთ და ასევე ვუპასუხოთ ადგილობრივი მოსახლეობის ინტერესებს, რომელიც საკმაოდ დაზიანდა სანქციების შემოღების დაწყებიდან“, - განაცხადა ლევან დავითაშვილმა.