თბილისი (GBC) – ბელარუსის საელჩო საქართველოში ტვირთების გადამზიდავებს საქართველოს ტერიტორიიდან გასვლას აზერბაიჯანის გავლით ურჩევს. სააგენტო EastFruit–ის ცნობით, ზემო ლარსის საერთაშორისო საავტომობილო გამშვებ პუნქტზე საქართველო–რუსეთის საზღვარზე ათასობით ფურა დაგროვდა. სააგენტო TREND ბელარუსის საელჩოზე დაყრდნობით წერს, რომ მძღოლებს ურჩევენ, აზერბაიჯანში გაემგზავრონ და იქიდან გადავიდნენ რუსეთის ტერიტორიაზე. აღინიშნება, რომ სატვირთო ავტომობილების რიგი დაახლოებით 100 კმ–ზეა გაშლილი. ლოდინის პერიოდი კი 3–4 კვირას, ან უფრო მეტს შეადგენს. ბელარუსის საელჩო ასევე აცხადებს, რომ აზერბაიჯანის მიმართულება 1000 კილომეტრით უფრო გრძელია, ზემო ლარსის მიმართულებასთან შედარებით.