თბილისი (GBC) - რუსეთში ძალოვნებმა მოწმეების დაკითხვა დაიწყეს „როსნანოს“ ყოფილი ხელმძღვანელის და უკრაინაში ომის დაწყების შემდეგ რუსეთიდან გაქცეული ანატოლი ჩუბაისისა და მისი გარემოცვის კორუფციულ საქმიანობაზე. ამის შესახებ კრემლთან დაახლოებული სააგენტო ТАСС ძალოვანი უწყებებიდან თავის წყაროებზე დაყრდნობით წერს.

„რუსეთის ძალოვანი უწყებების სხვადასხვა ქვედანაყოფები შემოსული ინფორმაციის გადამოწმების მიზნით, რომლის თანახმად როსნანოს ყოფილის ხელმძღვანელის ჩუბაისისა და მისი გარემოცვის მიერ ჩადენილია კორუფციული ხასიათის ქმედებები, იკითხებიან მოწმეები და მიმდინარეობს დოკუმენტაციის შემოწმება დანაშაულების შემცველობაზე“, – უთხრა სააგენტოს რესპონდენტმა.

ამასთან, წყაროს სააგენტოსთან საუბარში გამოძიების ინტერესებიდან გამომდინარე, არ დაასახელა, კონკრეტულად რომელ დანაშაულებზე მიმდინარეობს გამოძიება.