თბილისი (GBC) - საბანკო სექტორში კვლავინდებურად მაღალანაზღაურებადი მენეჯერების სიმრავლე შეინიშნება, რაც მათ მიერ მიღებული შემოსავლებიდანაც ჩანს. FY21-ის განმავლობაში, TBC-ის დირექტორატიდან თითოეულის ანაზღაურებამ 1-1 მლნ ლარზე მეტი შეადგინა.

კერძოდ, საანგარიშო წელს, TBC-მ 6 დირექტორს საერთო ჯამში 25.7 მლნ ლარი გადაუხადა ფიქსირებული და ცვლადი ანაზღაურების სახით, საშუალოდ თითოს კი 4.3 მლნ.

მთლიანი ფიქსირებული ანაზღაურების სახით,  ბანკის 6-მა დირექტორმა 11.4 მლნ მიიღო, ხოლო ცვლადი ანაზღაურების სახით, რომელიც გადავადებულ აქციებში გამოიხატება, 14.3 მლნ ლარი. დირექტორატისთვის გადაცემული აქციების ჯამურმა რაოდენობამ კი  81,987 აქცია შეადგინა.

TBC-ის 6 დირექტორი FY21-ს ბოლოსთვის საერთო ჯამში £22.7 მლნ-ის აქციებს ფლობს.

რეიტინგში მოცემულია დირექტორატის მიერ FY21-ის ბოლოსთვის, აქციების ფლობისა და მათი ღირებულების მაჩვენებლები.

"ბიზნესპარტნიორი"