თბილისი (GBC) - საქართველოს ბანკის CEO, არჩილ გაჩეჩილაძე Bank of Georgia Group PLC (BOGG) 1Q22-ის ძლიერ შესრულებაზე აცხადებს (y.y). კერძოდ კი, საოპერაციო შემოსავლის 30.3%-იან მატებაზე, რასაც ხელი მომხმარებელთა სავალუტო კონვერტაციის საკომისიომ შეუწყო ხელი, მომგებიანობის 73.2%-ით 240.6 მლნ ლარამდე ზრდასა და კაპიტალზე უკუგების (ROE) 30.7%-იან მაჩვენებელზე.

მისი თქმით, ძლიერ ზრდას მხარი საქართველოს ეკონომიკის გამძლეობამ დაუჭირა, რეგიონული გამოწვევების მიმართ.

უკრაინაში ომის დაწყებისას, 2022 წლისთვის, BOGG-მ საქართველოს მშპ-ს ზრდის პროგნოზი დაახლოებით 3%-მდე დააკორექტირა, კონფლიქტის გახანგრძლივების შემთხვევაში შემცირების რისკებით.

მიუხედავად ამისა, ბოლო ორ თვეში საქართველოს ეკონომიკამ განიცადა ძლიერი ზრდა, რომელიც მხარდაჭერილი იყო მდგრადი გარე შემოდინებით, - აცხადებს გაჩეჩილაძე და ბოლო 3 თვეში სტაბილურ ლარზე მიუთითებს.

„ამ დინამიკის გათვალისწინებით, ჩვენ ველით, რომ 2022 წელს საქართველოს რეალური მშპ-ის ზრდა დაახლოებით 4.5% იქნება. ინფლაციის მაღალი დონე დარჩება ეკონომიკურ გამოწვევად, მაგრამ მკაცრი მონეტარული პოლიტიკის გათვალისწინებით, ჩვენ ველით, რომ ინფლაციური წნეხი დარჩენილი წლის განმავლობაში შემცირდება“, - აცხადებს ჯგუფის CEO.