თბილისი (GBC) - უძრავი ქონების ფასები ზრდას განაგრძობს, მოთხოვნა კი კვლავ მაღალ ნიშნულზე ნარჩუნდება. წლიურად აპრილში თბილისში 9.4%-ით მეტი ბინა გაიყიდა ვიდრე გასულ წელს. რაც შეეხება ფასს - ის წლიურად 10.7%-ითაა გაზრდილი და კვადრატილზე საშუალოდ 899 დოლარს შეადგენს.

ამასთან მიგრანტების ეფექტის გათვალისწინებით წლიურად 83%-ით არის გაზრდილი ქირის ფასი.

აპრილში საცხოვრებელი სახლების ყიდვა გაყიდვის კუთხით თბილისში საბურთალო ლიდერობდა - წლიური 28%-იანი ზრდით. მას მოსდევს დიდი დიღომი - 17%-იანი მატებით და სამგორი სადაც ტრანზაქციების რაოდენობა 8%-ით შემცირდა. ამასთან, 9%-ით შემცირდა ბინების ყიდვა-გაყიდვის მაჩვენებელი გლდანში, ხოლო დიდუბეში 30%-ით გაიზარდა.

ფასების მიხედვით, ყველაზე ძვირადღირებული უბანი კვლავ მთაწმინდაა სადაც წლიურად ფასი კიდევ 8%-ით გაიზარდა. მას მოსდევს ვაკე სადაც ფასების 11%-იანი ზრდა დაფიქსირდა და საბურთალო - 16%-იანი ზრდით. ყველაზე იაფი უძრავი ქონება სამგორში, გლდანსა და დიდ დიღომშია.