თბილისი (GBC) - კონკურენციის სააგენტომ საწვავის ბაზრის შუალედური ანგარიში გამოაქვეყნა. ანგარიშის მიხედვით, აპრილში რუსეთიდან იმპორტირებული საწვავი 65 თეთრიანი ფასნამატით იყიდებოდა. კერძოდ, სააგენტო ამბობს რომ რუსული საწვავის ღირებულება საცალო ქსელში აპრილში საშუალოდ 3 ლარი და 72 თეთრი იყო. აქედან - 1.93 ლარი საბაჟო ღირებულებას მოიცავდა, 0.37 თეთრი აქციზს, 0.57 თეთრი დღგ-ს, 0.20 თეთრი საოპერაციო დანახარჯს და 65 თეთრი ფასნამატს. სააგენტოს დასკვნიტ ფასნამატი აპრილში მარტთან შედარებით გაიზარდა - კერძოდ ფასნამატი მარტში 59 თეთრს შეადგენდა. ამავე პერიოდში საცალო ქსელში ერთი ლიტრი რუსული საწვავის საშუალო ფასი 3.79 ლარი იყო.