თბილისი (GBC) - 4M22-ში საქართველოში ფულადი გზავნილების მოცულობამ $850 მლნ-ს გადააჭარბა, უშუალოდ აპრილში კი $308.1 მლნ შეადგინა, რაც ერთ წელში 58.8%-ითაა გაზრდილი. 

იანვარ-აპრილში საქართველოდან გადარიცხული ფულადი გზავნილების მოცულობამ კი $100 მლნ-ს მიაღწია.

ჩარიცხული ფულადი გზავნილების მოცულობით რუსეთმა იტალიას გაუსწრო. მაჩვენებელი აპრილში მნიშვნელოვნად გაიზარდა.

კერძოდ, რუსეთიდან ფულადი გზავნილების მოცულობა მიმდინარე წლის აპრილში თვიურად  5 - ჯერ, ხოლო წლიურად 4-ჯერ გაიზარდა და $133 მლნ-ს მიაღწია. ჯამურად 4 თვეში კი რუსეთიდან ჩარიცხვებმა $200 მლნ-ს გადააჭარბა. 

4M22-ში რუსეთის შემდეგ ჩარიცხვებით ლიდერობს იტალია, $136 მლნ-ით, მესამე ადგილზე კი აშშ-ა, $92 მლნ-ით.