თბილისი (GBC) -საქართველოს თავი სხვა ქვეყნის 9 მოქალაქემ შეაფარა. შსს-ს ინფორმაციით, Q1/2022 -ის სტატისტიკით, თავშესაფრის მაძიებლად 364 პირი დარეგისტრირდა. ყველაზე მეტი -126  უკრაინიდან, ასევე თურქეთის 52,  ირანის 31 და რუსეთის 21 მოქალაქე. 

 იანვარ-მარტში ლტოლვილის სტატუსი ჯამში 9 ადამიანს მიენიჭა, მათგან არცერთია უკრაინელი.

ლტოლვილის სტატუსი ენიჭება პირს, რომელიც არ არის საქართველოს მოქალაქე ან საქართველოში მუდმივად მცხოვრები მოქალაქეობის არმქონე პირი, იმყოფება საქართველოში და აქვს საფუძვლიანი შიში, რომ იგი შეიძლება გახდეს დევნის მსხვერპლი რასის, რელიგიის, აღმსარებლობის, ეროვნების, გარკვეული სოციალური ჯგუფისადმი კუთვნილების ან პოლიტიკური შეხედულებების გამო და არ შეუძლია ან არ სურს ამგვარი შიშიდან გამომდინარე დაბრუნდეს თავისი წარმოშობის ქვეყანაში ან ისარგებლოს ამ ქვეყნის მფარველობით.