თბილისი (GBC) - ბაჩიაშვილი საქართველოს საფონდო ბირჟას ტოვებს. ბირჟის სამეთვალყურეო საბჭოს თავმჯდომარის პოსტზე რუსეთ-საქართველოს მოქალაქეს ვინ შეცვლის  მაისის  ბოლოს  გახდება  ცნობილი.  აპრილის ბოლოს საბჭოში თეა ჯოხაძე  შევიდა (ბანკი ქართუს სამეთვალუყურეო საბჭოს წევრი) .

სსბ-ს  საბჭოს მასთან ერთად  წარმოადგენენ თემურ ირემაშვილი, ბიძინა  ბეჟუაშვილი, ნატო ხაინდრავა, გოგა თხელიძე, მერი ჩაჩანიძე, ოთარ შარიქაძე , ზურაბ ქოქოსაძე, გიორგი მეგრელიშვილი  და ტარიელ გვალია. 

სსბ-მდე  ბაჩიაშვილმა თსბ (თბილისის საფონდო ბირჟა) დატოვა.  თსბ საბჭოს თავმჯდომარე ოთარ შარიქაძეა (საქართველოს და საფრანგეთის მოქალაქე), საქართველოს ბანკი ჯგუფიდან და მოადგილე , გოგა თხელიძე (ბრიტანეთის და საქართველოს მოქალაქე) , თიბისიდან. 

თსბ-ი 2015  წელს დაარსდა, სებ-ის ლიცენზიაც აქვს თუმცა  მე-7 წელია  არ ფუნქციონირებს.  საფონდო  ბაზარი  თბს-ის აქტივობების დაწყებას ამ წლის ბოლომდე ელის. REITs -ების  კანონის მიღების შემდეგ როცა საჯარო  ფასიან ქაღალდებს მსხვილი სავაჭრო ცენტრები და უძრავი ქონების გამქირავებელი სხვა კომპანიები გამოუშვებენ. აქციები თსბ-ზე დაილისტება.