თბილისი (GBC) - ინფლაცია  სამიზნე 3 % -ს წელს კი არა გაის ამ დროსაც არ მიახლოვდება. სებ-ის მონეტარული პოლიტიკის ანგარიშით, ინფლაცია მე-2 კვარტალიდან შემცირებას დაიწყებს და მიზნობრივ 3%-იან მაჩვენებელს მომდევნო წელს დაუახლოვდება.

წინა პროგნოზის ზედა მიმართულებით გადახედვა უკრაინაზე რუსეთის  თავდასხმით განპირობებულმა ომმა გამოიწვია.

გლობალური მოთხოვნა-მიწოდების დისბალანსის დამატებითი გამწვავების გამო საერთაშორისო სასაქონლო ბაზრებზე ენერგომატარებლების და საკვები ნედლეულის მკვეთრი გაძვირება საქართველოში სამომხმარებლო ფასებს უკვე გადმოეცა და მათი ზეგავლენა მოკლევადიან პერიოდში შენარჩუნდება. მიმდინარე შეფასებით, მთლიანი ინფლაცია 2022 წელს, საშუალოდ, 9.6%-ს შეადგენს

სებ-ი აღნიშნავს, რომ ჯერ კიდევ კონფლიქტამდე, არსებულ ინფლაციურ გამოწვევებზე პასუხად, მპ  გამკაცრებისკენ იყო მიდრეკილი, მისი სრული ეფექტი ინფლაციაზე სწორედ მიმდინარე და მომდევნო პერიოდებში უნდა აისახოს.