თბილისი (GBC) - ინფლაცია სადაზღვევო პაკეტებს აძვირებს.  არდის გენერალური დირექტორის მიხეილ ჯაფარიძის თქმით,  გაძვირების დინამიკა 2021 წელს დრამატულად მაღალი იყო. ყველაზე მეტად ჯანმრთელობის დაზღვევა გაძვირდა. რაზეც, ლარის კურსთან ერთად, მედიკამენტების და სერვისების გაზრდილი ფასიც აისახა.

გაძვირდა ავტოდაზღვევის პოლისიც, რასაც გაძვირებული სათადარიგო ნაწილები განაპირობებს. მომხმარებელი იმაზეც მადლობელი უნდა იყოს 1 წლიანი კონტრაქტის მოქმედების პოლისის ღირებულება რომ უნარჩუნდება.

რაც კომპანიისთვის დამატებითი რისკია და შედეგად ეს მათ მომგებიანობაზე აისახება.

ჯანმრთელობის დაზღვევა წლიურად 8%-დან 10 %-მდე ძვირდებოდა. 2022 წელს 15%-დან 17%-ს მიაღწია. რაც მედიკამენტებზე, ამბულატორიაზე და სტაცინარულ მომსახურებაზე ფასების აწევოს შედეგია.

 ჯაფარიძის განცხადებით, სადაზღვევო პაკეტები იქამდე გაძვირდება, ვიდრე ამ სერვისისთვის საჭირო პროდუქტებზე ფასების ზრდის ტენდენცია შენარჩუნდება.„ამ ეტაპზე რთულია პროგნოზის გაკეთება. ეს დამოკიდებულია უამრავ ფაქტორზე და უამრავ ცვლადზე“,- აღნიშნა ჯაფარიძემ.

ბაზარზე 18 კომპანიაა, 777 მლნ ლარის ჯამური პრემიით და 40 მლნ ლარამდე წმინდა მოგებით.