თბილისი (GBC) - ბორჯომი წარმოების პროცესს აჩერებს. მიზეზი რუსეთისთვის დაწესებული სანქციებია. კომპანიის განცხადებაში ვკითხულობთ, რომ  უკრაინაში საომარი მოქმედებების დაწყების დღიდან კომპანია IDS ბორჯომი საქართველო მძიმე ვითარებაში აღმოჩნდა.

"პროდუქციის რეალიზაციის ძირითად ბაზრებზე შექმნილ რთულ ვითარებას დაემატა საბანკო ანგარიშებზე შეზღუდული წვდომა, რამაც კომპანიას ჩაუკეტა სავალუტო შემოსავლების მიღებისა და კრედიტორებთან ანგარიშსწორების შესაძლებლობა. კომპანია იძულებულია, დღეიდან  დროებით შეაჩეროს ბორჯომის ჩამომსხმელ ორივე ქარხანაში წარმოების პროცესი" - ნათქვამია განცხადებაში 

შეგახსენებთ, რომ  IDS Borjomi-ის საკონტროლო 60%-იან პაკეტს რუსეთის უმსხვილესი საინვესტიციო ჰოლდინგი “ალფა ჯგუფი” ფლობს. “ალფა ჯგუფის” დამფუძნებელი მიხაილ ფრიდმანი კი სანქცირებულ ოლიგარქთა სიაშია.