თბილისი(GBC)-რუსული ენერგეტიკული გიგანტი „გაზპრომი“ აცხადებს, რომ მან შეაჩერა გაზის ექსპორტი პოლონეთსა და ბულგარეთში იმის გამო, რომ ქვეყნებმა უარი განაცხადეს გაზის საფასურის რუბლში გადახდაზე.

გაზპრომში აცხადებენ, რომ სერვისები არ აღდგება მანამ, სანამ გადახდები არ განხორციელდება რუსულ ვალუტაში.

პოლონეთი ადასტურებს, რომ მიწოდება შეწყდა, მაგრამ ბულგარეთის განცხადებით ჯერ კიდევ გაურკვეველია შეჩერდა თუ არა მიწოდება.

მუქარა, რომელშიც პუტინმა თქვა, რომ „არსებული კონტრაქტები შეჩერდება“, განიხილება, როგორც რუბლის გამყარების მცდელობა.

შეგახსენებთ, რომ მარტში რუსეთის პრეზიდენტმა ვლადიმერ პუტინმა განკარგულება გამოსცა იმის შესახებ,რომ "არამეგობრულ" ქვეყნებს გაზის საფასურის გადახდა მოუწევდათ რუბლში.

წყარო:BBC